వచనము
అది యెట్లంటేని యే నెద్ది సేసినను దానికి నొడంబడి వారింపకుండను నన్ను నప్రియంబులు పలుకక యుండను వలయు నట్లైన నీకు భార్య నై యభిమతసుఖంబు లొనరింతు నటు గాక నీవెప్పుడేని నన్ను నప్రియంబులు వలుకు దప్పుడు నిన్నుఁ బాసిపోదు ననిన శంతనుండు నొడంబడి దానిం బరిగ్రహించె గంగయు మనుష్యస్త్రీరూపధారిణి యై వాని కిష్టోపభోగంబులు సలుపుచుండె నంత.
(నేను ఏది చేసినా నువ్వు దానికి అంగీకరించి, అడ్డు చెప్పకుండా, నన్ను పరుషమైన మాటలతో నొప్పించకుండా ఉండాలి. నాకు నచ్చని మాటలు మాట్లాడితే నిన్ను విడిచిపోతాను - అనగా శంతనుడు అందుకు అంగీకరించి ఆమెను వివాహమాడాడు. తరువాత.)
No comments:
Post a Comment