1_6_45 చంపకమాల పవన్ - వసంత

చంపకమాల

కురుకులజుండు పాండునకుఁ గుంతికిఁ బుత్త్రుఁడు రాజధర్మబం
ధరచరితుండు నీవితనితోడ రణం బొననరించెదేని వి
స్తరముగ నీదువంశమును దల్లిని దండ్రిని జెప్పు చెప్పినన్
దొరయగుదేని నీ కెదిరి దోర్బలశక్తి నితండు సూపెడిన్.

(అర్జునుడు కురువంశంలో పాండురాజుకు, కుంతీదేవికి పుత్రుడు. ఇతనితో యుద్ధం చేయదలిస్తే నీ వంశం గురించి, తల్లిదండ్రుల గురించి చెప్పు. సమానుడివైతే నిన్ను అర్జునుడు ఎదుర్కొంటాడు.)