1_7_253 వచనము నచకి - వసంత

వచనము

మఱియుం దొల్లి గౌతమి యయిన జటిల యను ఋషికూఁతురు తపఃప్రభావంబున నేడ్వురు ఋషులకు నొక్కతియ భార్య యయ్యె ననియును దాక్షాయణి యను మునికన్యక యేకనామంబునఁ బ్రచేతసు లనం బరఁగిన పదుండ్రకు నొక్కతియ భార్యయయ్యె ననియును గథల వినంబడు మఱి యట్లుం గాక.

(అంతేకాక గౌతముని వంశంలో పుట్టిన జటిల అనే ఋషికూతురు ఏడుగురు ఋషులకు భార్య అయిందనీ, దాక్షాయణి అనే మునికన్యక పదిమందికి భార్య అయిందనీ కథలలో వినబడుతూ ఉన్నది. అంతే కాక.)