1_8_4 సీసము + ఆటవెలది పవన్ - వసంత

సీసము

కోడలి యుత్తమ గుణముల కెంతయు
        సంతుష్టచిత్త యై కుంతిదేవి
లలితాంగి హరియందు లక్ష్మిని మఱి చంద్రు
        నందు రోహిణి నింద్రునందు శచిని
నవ్వసిష్ఠమునీంద్రునం దరుంధతిఁ బోలి
        సుందరి నీపతులందుఁ బ్రీతిఁ
బతిభక్తి యొప్ప నపత్యంబుఁ బడయుము
        గురు వృద్ధబాంధవాతుర విశిష్ట

ఆటవెలది

జనుల నతిథిజనుల సతతంబుఁ బూజింపు
మన్నదానమున ధరామరేంద్ర
వరులఁ దనుపు మఖిలవసుమతీప్రజ కెల్లఁ
గరుణ గలుగుమమ్మ కమలనేత్ర.

(కుంతీదేవి సంతోషించి ద్రౌపదికి హితవు చెప్పి సంతానాన్ని పొందమని దీవించింది.)