1_8_190 వచనము ప్రకాష్ - వసంత

వచనము

అయ్యిరువుర యన్యోన్యప్రణయంబులు దనదివ్యజ్ఞానంబునం జేసి దివ్యపురుషుండు పురుషోత్తముం డెఱింగి యర్జునునకు భోజనవిధు లమర్ప రుక్మిణీదేవిం బంచి యొక్కనాఁ డేకాంతంబున దేవకీ వసుదేవప్రద్యుమ్న సాంబసంకర్షణసారణసాత్యకులకు నర్జును స్థితియును నాతనియందు సుభద్రనెయ్యంబును నెఱింగించి తమతొల్లింటి విచారంబున కనుగుణం బగుటకు సంతసల్లి బలదేవాదు లెఱుంగకుండ సుభద్రార్జునుల వివాహంబు సేయ సమకట్టి తమ నిశ్చయం బయ్యిరువురకుం జెప్పి పశుపతిపూజా మహోత్సవవ్యాజ్యంబున నఖిలయాదవభోజాంధకవృష్ణివరులతో నంతర్ద్వీపంబునకుం జని.

(కృష్ణుడు బలరాముడికి తెలియకుండా వారి వివాహం చేయటానికి నిశ్చయించాడు. శివపూజ నెపంతో అంతర్ద్వీపానికి వెళ్లి.)