సీసము
ఎందేని సర్వభూతేశుండు సృజియించె
సచరాచరములైన జగము లెల్ల
గంగఁ బ్రత్యక్షంబు గావింప నెందేనిఁ
గృతవాసుఁ డయ్యె భగీరథుండు
నలినసంభవ నరనారాయణస్థాణు
వాసవప్రభృతి గీర్వాణముఖ్యు
లెందేనిఁ గ్రతువు లనేక యుగంబులఁ
జేసిరి రత్నవిచిత్ర వితత
ఆటవెలది
చైత్యములు మహా విశాల హిరణ్మయ
యూపతతులు నోలి నొప్పు చుండ
నట్టి బిందుసరమునం దున్న వివిధర
త్నోపకరణచయము లొనరఁ గొనియె
(బిందుసరంలో ఉన్న రత్నోపకరణాలన్నీ మయుడు గ్రహించాడు.)
Subscribe to:
Post Comments (Atom)
No comments:
Post a Comment