Monday, September 04, 2006

1_7_149 వచనము నచకి - వసంత

వచనము

అనిన నౌర్వుండు పితృదేవతాదేశంబునఁ దన కోపానలంబు సముద్రంబులో వైచిన నది యౌర్వానలంబునా నశ్వముఖంబున నబ్ధిజలంబులం ద్రావుచుండు నిది వేదంబులయందు వినంబడియెడు కథ గావున నీవును నౌర్వునట్ల ధర్మవిదుండవు భువనపరిభావి యైన యీ క్రోధంబు విడువు మనిన వసిష్ఠు వచనంబునం బరాశరుండు గోపం బుపసంహరించి రాక్షసవినాశార్థంబుగా సత్త్రయాగంబు సేయం గడంగిన.

(అనగా ఔర్వుడు అలాగే చేశాడు. ఇది వేదాలలో ఉండే కథ - కాబట్టి ఔర్వుడిలాగానే నువ్వు కూడా లోకాలను నశింపజేసే ఈ కోపాన్ని విడిచిపెట్టు - అని వసిష్ఠుడు చెప్పగా పరాశరుడు అలాగే కోపాన్ని విడిచి, రాక్షసవినాశనం కోసం సత్రయాగం చేయాలని నిర్ణయించాడు.)

No comments: