సీసము
వైహాయసం బైన వరమత్స్యయంత్రంబు
ని వ్విల్లు మోపెట్టి యెవ్వఁ డేను
శరముల నేయు నశ్రమమున నతఁడ నా
తనయకు వరుఁ డగు ధర్మయుక్తి
నని చాటఁ బంచిన నాఘోషణము విని
యుర్వీశులెల్ల నొండొరులఁ గడవఁ
గడువేడ్కఁ దొడి పూసికట్టి విభూతితోఁ
దమతమచిహ్నముల్ దనరి యెఱుక
ఆటవెలది
పడఁగ వేఱువేఱ పన్ని భూతలము గ్ర
క్కదల సైన్యపాదఘట్టనమునఁ
బొలుచు ద్రుపదరాజపుత్త్రీస్వయంవర
రంగమునకుఁ జనిరి రమణ తోడ.
(ఆకాశంలో కట్టిన ఆ మత్స్యయంత్రాన్ని ఈ విల్లు ఎక్కుపెట్టి ఎవడు పడగొడతాడో అతడే నా కుమార్తెకు భర్త అవుతాడు - అని ద్రుపదుడు చాటింపు వేయగా రాజులందరూ ఆ స్వయంవరానికి వెళ్లారు.)
Subscribe to:
Post Comments (Atom)
No comments:
Post a Comment