సీసము
ఆయుధవిద్యలయందు జితశ్రము
లనియును రణశూరు లనియు సంత
తోత్సాహు లనియు నత్యుద్ధతు లనియును
భయమందుచుండుదుఁ బాండవులకు
దానిపై నిప్పుడు ధర్మజు యువరాజుఁ
జేసె రా జే నేమి సేయువాఁడ
నృపనీతి యెయ్యది నిరతంబుగా మీర
నా కెఱిఁగింపుఁడు నయముతోడ
ఆటవెలది
ననిన వినియుఁ గణికుఁ డనువాఁడు సౌబలు
నాప్తమంత్రి నీతులందుఁ గరము
కుశలుఁ డైనవాఁడు కురుకులవల్లభు
నిష్టమునకుఁ దగఁగ నిట్టు లనియె.
(పాండవుల పరాక్రమానికి భయపడుతుంటాను. దానికితోడు ధర్మరాజు యువరాజు అయ్యాడు. ఏమి చెయ్యాలో తోచటం లేదు. నాకు రాజనీతి ఉపదేశించండి - అన్నాడు. అప్పుడు శకునికి ప్రియమంత్రి అయిన కణికుడు ఇలా అన్నాడు.)
Subscribe to:
Post Comments (Atom)
No comments:
Post a Comment