Thursday, February 23, 2006

1_5_3 సీసము + ఆటవెలది నచకి - వసంత

సీసము

అమరాపగాసుతు ననుశాసనంబునఁ
        గౌరవరాజ్యంబు గడు వెలుంగెఁ
గురుభూము లుత్తరకురువులకంటెను
        నధికలక్ష్మీయుక్తి నతిశయిల్లె
ధర్మాభిసంరక్షితం బైన భూప్రజ
        కెంతయు నభివృద్ధి యెసఁగుచుండె
వలసినయప్పుడు వానలు గురియుట
        సస్యసమృద్ధి ప్రశస్త మయ్యెఁ

ఆటవెలది

బాలు సేఁపెఁ బుష్పఫలభరితంబు లై
తరువనంబు లొప్పె ధర్మకర్మ
నిరతిఁ జేసి కరము నెమ్మితో నన్యోన్య
హితముఁ జేయుచుండి రెల్ల జనులు.

(భీష్ముడి పాలనలో కౌరవరాజ్యం గొప్పగా వెలిగింది. ఉత్తరకురుదేశాల కంటే అధికసంపదతో కురుదేశం విలసిల్లింది.)

No comments: