వచనము
మందభాగ్యుల మయిన మావంశంబున జరత్కారుం డను పాపకర్ముండు
పుట్టి దారపరిగ్రహంబు సేయను సంతానంబు వడయను నొల్లకున్నవాఁ
డే మాతని పితృపితామహులము మాపట్టిన యవురుగంట వేళ్ళెల్లం గాలుండు
మూషికవ్యాజంబునం దరతరంబ కొఱికిన నొక్కవేర తక్కి యున్నయది
యదియును జరత్కారుం డనపత్యుం డైనం దెగు నే మధఃపాతుల మగుదు
మాతం డపత్యంబు వడసెనేని యూర్ధ్వగతుల మగుదుము.
(మా వంశంలో జరత్కారుడనే పాపి పెళ్లి చేసుకోవటానికీ, సంతానం పొందటానికీ ఒప్పుకోవటంలేదు. మేము అతని తండ్రితాతలము. ఈ దుబ్బువేళ్లన్నీ యముడు ఎలుక రూపంలో కొరికేయగా ఒక్కవేరు మాత్రం మిగిలింది. జరత్కారుడు సంతానం పొందకపోతే అది కూడా తెగి మేము అధోలోకాల్లో పడతాము, లేకపోతే పైలోకాలకి వెళ్తాము.)
Subscribe to:
Post Comments (Atom)
No comments:
Post a Comment