సీసము
అంత దేవాహితు లమృతంబు గానక
యెంతయు నలిగి బలీంద్రుఁ గూడి
మంతనం బుండి యమర్త్యులతోడి పొ
త్తింతియ చాలు నింకేల యనుచు
సంతనకట్టి యుత్సాహ సమేతులై
యంతంబు లేని రథాశ్వములను
దంతుల నమితపదాతుల నొడఁ గూర్చి
యంతకాకారులై యార్చి యమర
ఆటవెలది
వరులఁ దాఁకి యేసి రురుతరశరపక్ష
జాతవాతరయవిధూత మగుచుఁ
జెదర జలదపంక్తి బెదర వజ్రాయుధు
హృదయ ముదిలకొనఁగఁ ద్రిదశగణము.
(అప్పుడు రాక్షసులు కోపగించి, తమరాజైన బలిచక్రవర్తిని కలిసి, ఆలోచించి, దేవతలతో స్నేహం ఇక చాలని నిశ్చయించి, చాలా సైన్యం సమకూర్చుకొని, ఇంద్రుడు భయపడేలా దేవతలపైన ఆయుధాలు ప్రయోగించారు.)
Subscribe to:
Post Comments (Atom)
No comments:
Post a Comment