సీసము
వేదంబులందుఁ బ్రవీణుఁ డై మఱి సర్వ
శాస్త్రంబులందుఁ గౌశలము మెఱసి
యసికుంత కార్ముకాద్యాయుధ విద్యల
యందు జితశ్రముఁ డై తురంగ
సింధురా రోహణశిక్షల దక్షుఁ డై
నీతిప్రయోగముల్ నెఱయ నేర్చి
యతి మనోహర నవ యౌవనారూఢుఁ డై
కఱలేని హిమరశ్మికాంతి దాల్చి
ఆటవెలది
పెరుఁగుచున్న కొడుకుఁ బృథువక్షు నాయత
బాహు దీర్ఘదేహుఁ బాండుఁ జూచి
వీనివలనఁ గులము వెలుఁగు నంచును నెడ
జాహ్నవీసుతుండు సంతసిల్లి.
(విద్యలను నేర్చుకొని, యౌవనంలో ప్రవేశించిన పాండురాజును చూసి భీష్ముడు సంతోషించి.)
Subscribe to:
Post Comments (Atom)
No comments:
Post a Comment