Tuesday, November 15, 2005

1_4_36 సీసము + ఆటవెలది హర్ష - వసంత

సీసము

అనఘుఁడు రాజర్షి యై తపశ్శక్తిమై
        బ్రహ్మర్షిభావంబుఁ బడసి యున్న
సన్మునీశ్వరుఁడు విశ్వామిత్రుఁ డతిఘోర
        తపము సేయుచునున్నఁ దత్తపమున
కెంతయు వెఱచి దేవేశ్వరుఁ డప్సరో
        గణములలో నగ్రగణ్య యైన
దాని మేనక యను ధవలాక్షిఁ బిలిచి వి
        శ్వామిత్రు పాలికిఁ జని తదీయ

ఆటవెలది

ఘోరతపము చెఱిచి కోమలి నాదైన
దేవరాజ్యమహిమఁ దివిరి నీవు
గావు మనిన నదియుఁ గడు భయంపడి యమ
రేశ్వరునకు మ్రొక్కి యిట్టు లనియె.

(విశ్వామిత్రుడు చేస్తున్న తపస్సుకు ఇంద్రుడు భయపడి, ఆ తపస్సు భగ్నం చేయమని మేనకకు చెప్పగా ఆమె భయపడి ఇలా అన్నది.)

No comments: