వచనము
ఇట వృషపర్వుకూఁతురు శర్మిష్ఠ యను కన్యక యొక్కనాఁడు కన్యకాసహస్రపరివృత యయి దేవయాని సహితంబు వనంబునకుం జని యొక్క సరోవరతీరంబునఁ దమతమ పరిధానంబులు పెట్టి జలక్రీడ లాడుచున్న నవి సురకరువలిచేతంబ్రేరితంబులయి కలిసిన నొండొరులం గడవఁ గొలను వెలువడు సంభ్రమంబున నక్కన్యక లన్యోన్య పరిధానంబులు వీడ్వడం గొని కట్టునెడ దేవయానిపుట్టంబు శర్మిష్ఠ గట్టిన మఱి దాని పరిధానంబు దేవయాని పుచ్చుకొనక రోసి శర్మిష్ఠం జూచి యిట్లనియె.
(ఇక్కడ వృషపర్వుడి కూతురైన శర్మిష్ఠ ఒకరోజు దేవయాని మొదలైన కన్యకలతో కలిసి అడవికి వెళ్లి ఒక కొలనులో జలక్రీడలు ఆడుతుండగా గట్టు మీద ఉన్న వారి బట్టలు గాలికి కలిసిపోయాయి. శర్మిష్ఠ బయటికి వచ్చి తెలియక దేవయాని బట్టలు కట్టుకుంది. ఆమె బట్టలు దేవయాని తీసుకోక శర్మిష్ఠతో ఇలా అన్నది.)
Subscribe to:
Post Comments (Atom)
No comments:
Post a Comment