సీసము
విషయోపభోగాభిలషణ మింకను నాకు
వదలక పెరుఁగుచున్నదియుఁ గాన
నందనులార మీ యందొక్కరుండు నా
దగు జరాభారంబు దగిలి తాల్చి
తనజవ్వనంబు నాకొనరంగ నెవ్వఁడీ
నోపు నాతండ సద్వీపసకల
ధారుణీసామ్రాజ్యభారయోగ్యుం డగు
నని యడిగిన నగ్రతనయుఁ డయిన
ఆటవెలది
యదువుఁ దొట్టి సుతులు ముదిమికి నోపక
తలలు వాంచి యున్న వెలయఁ దండ్రి
పనుపుఁ జేసి ముదిమి గొని జవ్వనం బిచ్చెఁ
బూరుఁడను సుతుండు భూరికీర్తి.
(మీలో ఎవరైతే యౌవనాన్ని నాకు ఇచ్చి నా ముసలితనం తీసుకుంటారో వారికే నా రాజ్యం ఇస్తాను అన్నాడు. మిగిలినవారు మౌనం వహించగా పూరుడు అందుకు ఒప్పుకున్నాడు.)
Subscribe to:
Post Comments (Atom)
No comments:
Post a Comment