1_7_139 వచనము నచకి - వసంత

వచనము

ఇ క్కుమారుండు నూఱు సంవత్సరములు నా యూరు గర్భంబున నుండి సకల వేదవేదాంగంబులు నేర్చినవాఁడు మహాతపోనిధి మీకుం గరుణించు నితనిం బ్రార్థింపుం డనిన నాక్షత్త్రియులు నతిభక్తు లై యౌర్వుం బ్రార్థించి తత్ప్రసాదంబున దృష్టులు వడసి చని రంత నౌర్వుండు దన పిత్రుబంధుజనులెల్ల నొక్కటం బరలోకగతు లగుటకు దుఃఖించి సకలలోక ప్రళయార్థంబుగా ఘోరతపంబు సేయందొడంగిన.

(ఇతడిని ప్రార్థించండి - అనగా వారు అలాగే చేసి తమ దృష్టిని తిరిగిపొందారు. తరువాత ఔర్వుడు తన తండ్రులు, బంధువులు అందరూ ఒక్కసారిగా మరణించినందుకు దుఃఖించి లోకాలన్నీ నాశనం చేసేందుకు ఘోరతపస్సు చేయటానికి పూనుకొన్నాడు.)