సీసము
ఆదిత్యునకుఁ బుత్త్రి యనఘ సావిత్రికిని
ననుజ యుత్తమ లక్షణామలాంగి
తపతి యక్కన్యక ధవళాయతేక్షణ
యౌవనసంప్రాప్త యైన దానిఁ
జూచి యక్కన్యక సురుచిరగుణముల
కనుగుణుం డగు నిర్మలాభిజాత్యుఁ
బతి నెవ్విధంబునఁ బడయుదునో యని
తలఁచుచు నున్న యత్తపనుగుఱిచి
ఆటవెలది
భక్తిఁ దపము సేసెఁ బ్రభుఁ డజామీఢనం
దనుఁడు భరతకులుఁడు ధర్మవిదుఁడు
సర్వగుణయుతుండు సంవరణుం డను
వాఁడు కృతజపోపవాసవిధుల.
(తపతి సూర్యుడికి కూతురు, సావిత్రికి చెల్లెలు. ఆమెకు తగిన భర్త కోసం సూర్యుడు ఆలోచిస్తుండగా - భరతవంశీయుడైన సంవరణుడు సూర్యుడు గురించి తపస్సు చేశాడు.)
Subscribe to:
Post Comments (Atom)
No comments:
Post a Comment