వచనము
చెప్పు మని యర్జునుం డడిగిన గంధర్వుం డి ట్లని చెప్పెఁ దొల్లి కన్యాకుబ్జంబున గాధిపుత్త్రుండు విశ్వామిత్రుం డనురాజు నిరమిత్రంబుగా ధాత్రి నేలుచు నొక్కనాఁడు మృగయార్థం బరిగి యపారబలసమేతుం డయి ఘోరారణ్యంబునం గ్రుమ్మరి వడంబడి కడు డస్సి వసిష్ఠునాశ్రమం బాశ్రయించిన నమ్మునివరుండు విశ్వామిత్రు నతిప్రీతిం బూజించి వానికిని వానిసేనకు నభిమతంబు లైన యాహారంబులు గురియ నందిని యను తనహోమధేనువుం బంచిన నదియు.
(అని అర్జునుడు అడగగా ఆ గంధర్వుడు ఇలా చెప్పాడు - కన్యాకుబ్జంలో గాధి కుమారుడైన విశ్వామిత్రుడు అనే రాజు ఒకరోజు వేటకోసం తన సైన్యంతో ఒక అడవిలోకి వెళ్లి, అలసిపోయి, వసిష్ఠుడి ఆశ్రమాన్ని ఆశ్రయించాడు. ఆ ముని విశ్వామిత్రుడిని పూజించి, అతడికి, అతడి సేనకు తగిన ఆహారం కోసం తన హోమధేనువైన నందినిని ఆజ్ఞాపించగా అది.
Subscribe to:
Post Comments (Atom)
No comments:
Post a Comment