సీసము
శమహీనుఁ డైన విశ్వామిత్రు చేసిన
యపకారమునఁ జేసి యాత్మసుతులు
యమసదనంబున కరిగిన వారలఁ
దనతపోవీర్య సత్త్వములపేర్మిఁ
గ్రమ్మఱింపఁగ శక్తి కలిగియు వేల న
య్యంబుధి గడవనియట్ల శాంతుఁ
డయి యెవ్వఁడేని కృతాంతకుఁ గడవంగ
నొల్లండ యట్టి యత్యుగ్రతేజుఁ
ఆటవెలది
డగు వసిష్ఠముని మహాత్మతఁ జెప్పనా
యలవియయ్య యనిన నవ్వసిష్ఠ
గాధిసుతుల కేమికారణంబున నిట్టి
వైర మయ్యె నెఱుఁగ వలతు దీని.
(విశ్వామిత్రుడు చేసిన అపకారం వల్ల తన కుమారులు యమలోకానికి వెడితే, వారిని మరలించగల శక్తి ఉన్నా, యముడిని అతిక్రమించటానికి ఇష్టపడక శాంతంగా ఉన్న వసిష్ఠుడి మహిమను గురించి చెప్పటం నా తరమా? - అని ఆ గంధర్వుడు అనగా - వసిష్ఠవిశ్వామిత్రులకు వైరం ఎందుకు ఏర్పడిందో చెప్పండి.)
Subscribe to:
Post Comments (Atom)
No comments:
Post a Comment