1_8_239 వచనము పవన్ - వసంత

వచనము

తక్షకుం డను పన్నగేంద్రుఁ డింద్రున కిష్టసఖుం డయి ఖాండవంబునం దుండుటంజేసి దీని నమృతంబు రక్షించున ట్లతిప్రయత్నంబున నింద్రుండు రక్షించుకొనియుండు నది నిమిత్తంబుగా సర్వసత్త్వంబులు నిందు సుఖం బుండు మీరు మహాసత్త్వుల రఖిలాస్త్రవిదుల రమరేంద్రుండు గావించువిఘాతంబులు మీయస్త్రబలంబున వారింపనోపుదు రేనును దీని ననాకులంబున నుపయోగించి కృతార్థుండ నగుదు.

(తక్షకుడు ఈ ఖాండవంలో ఉండటం వల్ల ఇంద్రుడు దీనిని రక్షిస్తుంటాడు. మీరు ఇంద్రుడు కలిగించే ఆటంకాలను తొలగిస్తే నేను ఈ వనాన్ని దహించి కృతార్థుడినవుతాను.)