1_8_288 వచనము వోలం - వసంత

వచనము

నీయిష్టసఖుం డయిన తక్షకుం డిందుండక ముందరన కురుక్షేత్రంబున కరిగి ఖాండవప్రళయంబునకుఁ దప్పె ఖాండవం బగ్నిచేత దగ్ధం బగు నని తొల్లి బ్రహ్మవచనంబు గలుగుటం జేసి యిది హుతాశనున కశనం బయ్యె నింక దీనికి వగవం బనిలే దనిన దాని విని సురపతి సురగణంబులతో మరలిన.

(నీ మిత్రుడు తక్షకుడు ఇక్కడ లేడు. ముందుగానే కురుక్షేత్రానికి వెళ్లిపోయాడు. అగ్నివల్ల ఖాండవం కాలిపోతుందని ముందే బ్రహ్మ చెప్పాడు. ఇక దీనికి దుఃఖింపనక్కర లేదు - అనగా ఇంద్రుడు దేవతలతో తిరిగి వెళ్లగా.)