Saturday, December 09, 2006

1_8_279 సీసము + ఆటవెలది వోలం - వసంత

సీసము

బలవైరి కృష్ణుపైఁ బార్థుపైఁ గడునల్గి
పంచినఁ గలయంగఁ బన్ని కడఁగి
సురగరుడోరగాసురసిద్ధగంధర్వు
లార్చుచుఁ దాఁకి యుగ్రాహవంబు
సేసిన నమరులఁ జెచ్చెరఁ బార్థుండు
భంజించెఁ దనదివ్యబాణశక్తిఁ
జక్రధరుండును జక్రబలంబున
గరుడోరగాసురఖచరవరులఁ

ఆటవెలది

దత్క్షణంబ విగతదర్పులఁ జేసె న
య్యిద్దఱకు సురాసురేశు లెల్ల
భీతు లగుట చూచి పెద్దయు విస్మిత
హృదయుఁ డయ్యె సురగణేశ్వరుండు.

(ఇంద్రుడి ఆజ్ఞతో దేవదైత్యులంతా కృష్ణార్జునులతో యుద్ధం చేశారు. కృష్ణార్జునులకు వారంతా భయపడటం చూసి ఇంద్రుడు ఆశ్చర్యపడ్డాడు.)

No comments: