సీసము
ఏ నేమి సెప్పుదు దీని నెవ్వరికిని
మానుషంబునఁ దీర్పరాని దాని
నయినను జెప్పెదఁ బ్రియహితవచన యీ
ప్రోలికి నామడనేల నల్ల
యమునానదీ గహ్వరమున బకుం డను
రక్కసుం డుండి వాఁ డక్కజముగ
నిందుల కాఁపులనందఱఁ దొల్లి యి
ల్వరుస మ్రింగుచు నున్నఁ బరమసాధు.
ఆటవెలది
లగు ధరామరేంద్రు లగణిత జప హోమ
దానవిధులఁ జేసి వానివలనఁ
గ్రమము వడసి యొక్కసమయంబుఁ జేసిరి
యొనర దానితెఱఁగు వినుము తల్లి.
(ఈ పట్టణానికి ఆమడ దూరాన యమునానదీ తీరాన ఉండే అడవిలో బకుడనే రాక్షసుడున్నాడు. వాడు ఈ పట్టణవాసులను ఇంటివరుసన భక్షిస్తూ ఉండగా ఇక్కడివారు అతడితో ఒక ఏర్పాటు చేసుకొన్నారు.)
Subscribe to:
Post Comments (Atom)
No comments:
Post a Comment