సీసము
అగ్నిదేవుండు బృహస్పతి కిచ్చె ము
న్నతఁడు భరద్వాజుఁ డనఁగఁ బరఁగు
ముని కిచ్చె నమ్మహాముని భార్గవున కిచ్చె
భార్గవుండును గుంభభవున కిచ్చె
నమ్మహాత్ముండు నా కతిదయ నిచ్చె ని
య్యనలాస్త్ర మని దాని నమ్మహోగ్ర
గంధర్వుపై వైచె ఘనుఁ డింద్రసుతుఁ డంతఁ
దద్రథం బప్పుడ దగ్ధ మయిన
ఆటవెలది
నగ్నిదాహభీతి నంగారపర్ణుండు
బమ్మరిల్లి నేలఁ బడిన వానిఁ
గొప్పు వట్టి యీడ్చికొని వచ్చె ధర్మజు
కడకు నింద్రసుతుఁడు కడిమి మెఱసి.
(అర్జునుడు అంగారపర్ణుడిపైన ఆగ్నేయాస్త్రాన్ని ప్రయోగించాడు. అతడి రథం దగ్ధమైపోగా అతడు దిమ్మదిరిగి నేలమీద పడిపోయాడు. అర్జునుడు అతడి జుట్టుపట్టి ధర్మరాజు దగ్గరికి ఈడ్చుకొని వచ్చాడు.)
Subscribe to:
Post Comments (Atom)
No comments:
Post a Comment