1_8_51 వచనము కిరణ్ - వసంత

వచనము

మీపంచినవిధంబున నప్పాండవుల కర్ధరాజ్యం బిచ్చెద నని భీష్మవిదురద్రోణాదు లయిన బాంధవప్రధానులయు దుర్యోధనాదు లయిన పుత్త్రులయు సమక్షంబున నిశ్చయించి యప్పుడ పాండవులం దోడ్తేర విదురుం బంచిన నాతండును ధృతరాష్ట్రుశాసనంబున ద్రుపదుపురంబునకుం జని పుత్త్రభ్రాతృపరివృతుం డై యున్న ద్రుపదుని వాసుదేవసహితు లై యున్నపాండవులనుం గాంచి ధృతరాష్ట్రుండు పుత్తెంచిన వివిధరత్నభూషణాదుల వేఱువేఱ యిచ్చి తానును వారిచేతఁ బ్రతిపూజితుం డై కేశవపాండవసమక్షంబున విదురుండు ద్రుపదున కి ట్లనియె.

(మీరు ఆజ్ఞాపించిన విధంగా ఆ పాండవులకు సగం రాజ్యం ఇస్తాను - అని పాండవులను పిలుచుకొనిరావటానికి విదురుడిని పంపాడు. విదురుడు అలాగే ద్రుపదుడి పురానికి వెళ్లి ధృతరాష్ట్రుడు పంపిన కానుకలను ఇచ్చి శ్రీకృష్ణపాండవుల ఎదుట ద్రుపదుడితో ఇలా అన్నాడు.)