సీసము
ఆతని యస్త్రవిద్యాభియోగమునకుఁ
బ్రియశిష్యవృత్తికిఁ బెద్ద మెచ్చి
యన్న ధనుర్ధరు లన్యులు నీకంటె
నధికులు గాకుండునట్లు గాఁగఁ
గఱపుదు విలువిద్య ఘనముగా నని పల్కి
ద్వంద్వ సంకీర్ణ యుద్ధముల తెఱఁగు
రథ మహీ వాజి వారణములపై నుండి
దృఢచిత్ర సౌష్ఠవస్థితుల నేయ
తేటగీతి
బహువిధ వ్యూహ భేదనోపాయములను
సంప్రయోగ రహస్యాతిశయము గాఁగఁ
గఱపె నర్జునుఁ దొంటి భార్గవుఁడు వింట
నిట్టిఁ డే యని పొగడంగ నెల్లజనులు.
(అతడి పట్టుదలకు మెచ్చుకుని - నీకంటే ఇంకెవరూ గొప్పవారు కానట్లుగా విలువిద్య నేర్పిస్తాను - అని - పరశురాముడు కూడా విలువిద్యలో ఇంతటి వాడు కాడు - అని ప్రజలు ప్రశంసించేలా అర్జునుడికి విలువిద్యలోని రహస్యాలు నేర్పాడు.)
Subscribe to:
Post Comments (Atom)
No comments:
Post a Comment