1_5_231 వచనము వసంత - విజయ్

వచనము

మఱియు గదాకార్ముకప్రాసాసితోమరకుంతశక్త్యాది వివిధాయుధంబులయందును గుమారుల నందఱ జితశ్రములం జేయుచున్న ద్రోణాచార్యుల మహాప్రసిద్ధి విని హిరణ్యధ్వనుం డను నెఱుకురాజుకొడు కేకలవ్యుం డనువాఁడు ధనుర్విద్యాగ్రహణార్థి యయి వచ్చినవాని నిషాదపుత్త్రుం డని శిష్యుంగాఁ జేకొన కున్న వాఁడును ద్రోణుననుజ్ఞ వడసి చని వనంబులోన.

(ద్రోణుడి కీర్తి విని, హిరణ్యధన్వుడు అనే ఎరుకరాజు కొడుకు అయిన ఏకలవ్యుడు అనేవాడు విలువిద్య నేర్చుకోవాలని వచ్చాడు. నేర్పటానికి ద్రోణుడు అంగీకరించకపోవటంతో ఏకలవ్యుడు అడవిలోకి వెళ్లి.)