సీసము
ధర్మతత్త్వజ్ఞుఁ డీ ధర్మతనూజుండు
ధర్మమార్గం బేల తప్పఁబలుకు
దేవతామూర్తి యిద్దేవి మాధవి యేల
తా నెఱుంగక యనృతంబు వలుకు
వీరలపలుకులు వేల్పుల మతమును
నొక్కండ కావున నొండు దక్కి
యీ యేవురకుఁ గూఁతు నిచ్చి వివాహంబుఁ
గావింపు మఱి దీని కల తెఱంగు
ఆటవెలది
వినఁగ నిష్టమేని విను మని ద్రుపదు చే
యూఁది యింటిలోని కొనర నరిగి
తాను నతఁడు నేకతమ యుండి వాని కం
తయును జెప్పఁదొడఁగె ధర్మవిదుఁడు.
(వీళ్లమాటలు, దేవతల అభిప్రాయం ఒక్కటే. వేరే ఆలోచన మాని ఈ ఐదుగురికీ మీ కుమార్తెనిచ్చి వివాహం చెయ్యి. యథార్థం వినాలనుకుంటే విను - అని వ్యాసుడు ద్రుపదుడికి ఏకాంతంగా ఇలా చెప్పసాగాడు.)
Subscribe to:
Post Comments (Atom)
No comments:
Post a Comment