వచనము
దానిదయిన పతిభక్తి గుణంబునకు మెచ్చి మౌద్గల్యుండు ప్రసన్నుం డయి నీ కెద్ది యిష్టంబు వేఁడు మిచ్చెద ననిన నది యి ట్లనియె మునీంద్రా నాకుం గామోపభోగేచ్ఛ పెద్ద గలదు నీవునుం దపశ్శక్తిఁ గామరూపధరుండ వయి ఈ బీభత్సంబగు రూపం బుడిగి మనోహరం బయిన రూపంబునం బంచధా విభక్తుండ వయి నన్ను రమియించి కామభోగంబులం దనుపు మనిన నమ్ముని దాని కిష్టంబైనవిధంబున నేను దేహంబులు దాల్చి మర్త్య దేవ లోకంబులయందు బ్రహ్మర్షి దేవర్షి పూజితుం డై సూర్యరథం బెక్కి చని యాకాశగంగాజలంబుల నాప్లుతదేహుం డయి శీతాంశునంశుజాలంబుల వసియించి మేరుకైలాసంబులయందుఁ గ్రీడించుచు ననేకస్థానంబుల ననేకసహస్రవర్షంబులు నాలాయని యైన యింద్రసేన నుపభోగించి తృప్తుం డై మౌద్గల్యుండు దాని విడిచి ఘోరతపంబు సేసి బ్రహ్మమయుం డై బ్రహ్మలోకంబునకుఁ జనిన నది కామభోగంబులం దనియక కాలవశంబున శరీరంబు విడిచి కాశిరా జను రాజర్షికిం బుట్టి పెరుగుచుం గన్యాత్వమునఁ బెద్దకాలం బుండి తన దౌర్భాగ్యంబునకు నిర్వేదించి పతిం గోరి పశుపతి నుద్దేశించి యుగ్రతపంబు సేయుచున్నంత.
(ఆమె పతిభక్తికి మెచ్చి వరం కోరుకొమ్మనగా ఆమె అతడిని ఐదు సుందరమైన దేహాలు ధరించమని కోరింది. వారు అనేక సంవత్సరాలు క్రీడించిన తరువాత మౌద్గల్యుడు తపస్సు చేసి బ్రహ్మత్వం పొందాడు. కానీ ఆమె తృప్తిచెందక కాశిరాజు అనే రాజర్షికి కుమార్తెగా జన్మించి, భర్త కోసం శివుడిని గూర్చి తపస్సు చేస్తూండగా.)
Subscribe to:
Post Comments (Atom)
No comments:
Post a Comment