Monday, December 04, 2006

1_8_128 సీసము + ఆటవెలది హర్ష - వసంత

సీసము

వేల్వంగ సమకట్టి వెలువడ నున్న న
        య్యింద్రనందను రుచిరేంద్రనీల
సుందరశ్యామాంగు సురరాజకరికరా
        కారమహాబాహుఁ గఱ్ఱిఁ జూచి
నలినాక్షి యం దొక్కనాగకన్యక కామ
        పరవశ యై వానిఁ బట్టి తిగిచి
కొని నాగపురమునకును జని తన నిజరమ్య
        హర్మ్యంబునందు నెయ్యమున నునిచె

ఆటవెలది

నందు నగ్ని తొంటియట్టు లభ్యర్చితం
బయి వెలుంగుచున్న నర్జునుండు
హోమకార్య మొప్ప నొనరించి యప్పు డ
య్యింతిఁ జూచి నగుచు నిట్టు లనియె.

(హోమం చేయబోతున్నా అర్జునుడిని చూసి ఒక నాగకన్యక మోహించి అతడిని పట్టి లాక్కొని నాగపురానికి వెళ్లి తన మేడలో ఉంచింది. అర్జునుడు అక్కడి అగ్నిలో హోమం చేసి ఆ నాగకన్యను చూసి నవ్వుతూ ఇలా అన్నాడు.)

No comments: